ގދ ތިނަދޫގައި ހުންނަ އަޕަރ ސައުތު ޔުޓިލިޓީސްގެ އިންޖީނުގޭގެ އޮފީހުން ގިނައަދަދެއްގެ ފައިސާ މިދިޔަ ބުދަދުވަހު ގެއްލިއްޖެ ކަމަށް ހުވަދޫ ނޫހަށް މައުލޫމާތު ލިބިއްޖެއެވެ.
މިމައުލޫމާތަކީ ތެދުމައުލޫމާތެއް ކަމަށް ތިނަދޫ ޕޮލިސް ސްޓޭޝަނުން ވަނީ ކަށަވަރު ކޮށްދީފައެވެ. އަދި އެމައްސަލަ ވަނީ ތަހުޤީގު ކުރަން ފަށާފައި ކަމަށާ މައްސަލަ ނިމުމުގެ ކުރިން އިތުރު ތަފްސީލެއް ދެވެން ނެތް ކަމަށް ވެސް ތިނަދޫ ޕޮލިސް ސްޓޭޝަނުން ވިދާޅުވިއެވެ.
މިވަގުތު އަޕަރ ސައުތު ޔުޓިލިޓީޒް ގެ ތިނަދޫ އިންޖީނުގޭ އޮފީސް ހިންގުމާ ހަވާލު ވެހުންނެވި އަހުމަދު އަލިދީ ވިދާޅުވީ އެތަނުން ފައިސާ ގެއްލިފައިވަނީ ކޭޝިއަރު އިބްރާހިމް ރިޔާޒު ފައިސާ ބެންކަށް ޖަމާކުރަން ރެޑީ ކޮށްފައި ބްރޭކަށް ދިޔަވަގުތު ގައި ކަމަށެވެ.
"މިހާތަނަށް އަޅުގަނޑުމެންނަށް އެގުނު ގޮތުގައި އެވަތްގަނޑުގެ ޑަބަލް ތަޅުދަނޑި ކަމަށް ބުނާ ތަޅުދަނޑިއަކީ ރަގަޅު ތަޅުދަނޑިއެއް ނޫން ކަން ، މިމައްސަލަ ދަނީ ބަލަމުން" އަހުމަދު އަލިދީ ވިދާޅުވިއެވެ.
ތިނަދޫ އިންޖީނުގޭގެ އޮފީހުގެ ފައިސާ ބަލައިގަންނަ ކައުންޓަރުގެ ވަތްގަނޑުގައި އެތަނުގެ މުވައްޒަފަކު ބަހައްޓާފައިހުރި 15 ހާސް ރުފިޔާވެސް މީގެ 3 މަސް ކުރިން ގެއްލިފައިވާ ކަމަށްވެސް ހުވަދޫ ވީކްލީ އަށް މައުލޫމާތު ލިބިފައިވެއެވެ.
ތިނަދޫ ރީޖަނަލް ހޮސްޕިޓަލް ހިންގުން މުހައްމަދު ހުސައިން އާ ހަވާލު ކުރައްވައިފި.
ތިނަދޫ ރީޖަނަލް ހޮސްޕިޓަލް ހިންގުމަށްއެހޮސްޕިޓަލްގެ ޑެޕިއުޓީ ޑިރެކްޓަރ މުހައްމަދު ހުސައިންއާ މިދިޔަ ބުރަސްފަތި ދުވަހު ހަވާލު ކުރައްވައިފިއެވެ.
ތިނަދޫ ރީޖަނަލް ހޮސްޕިޓަލް ހިންގެވުމާ މިމަހު 5 ވަނަދުވަހު މުހައްމަދު ހުސައިން އާ އަލުން ހަވާލު ކުރެއްވި އިރު އޭނާ ވަނީ އެހޮސްޕިޓަލް ހުޅުވުނީއްސުރެ__________ ޖެހެންދެން މެނޭޖަރެއްގެ ހައިސިއްޔަތުން ހޮސްޕިޓަލް ހިންގާފައެވެ. އަދި މިހާތަނަށް އެހޮސްޕިޓަލަށާއި ހުވަދު އަތޮޅުގެ ސިއްޚީ ދާއިރާއަށް ވަރަށް އެކަށީގެންވާ ކާމިޔާބީއެއް ހޯދައި ދެއްވައިފައެވެ. އެގޮތުން މުހައްމަދު ހުސައިން ކުރެއްވި ޙިދުމަތުގައި ހޮސްޕިޓަލަށް ލިބިފައިވާ އެންމެ ބޮޑު އެއްކާމިޔާބީ އަކީ މިއަހަރު އެ ހޮސްޕިޓަލަށް ލިބިފައިވާ ވޯރލްޑް ނޯ ޓެބޮކޯ އެވޯޑް ހާސިލްވުމެވެ.
No comments:
Post a Comment