-އަބޫބަކުރު ސްކޫލްގެ ލީޑިންގ ޓީޗަރ ޖަމްޝީދާ އަބްދުﷲ-
މިހާރަކަށް އައިސް ތިނަދޫ ގައި ބާއްވާ ޖަލްސާތަކާ އާންމު ބައްދަލުވުންތަކުގައި ވާހަކަ ދައްކާއިރު ބަހުރުވަޔާ ބަހުގެ ފެންވަރު ދަށްކަމުގައި ތިނަދޫ އަބޫބަކުރު ސްކޫލްގެ ލީޑިންގް ޓީޗަރ ޖަމްޝީދާ އަބްދުﷲ ވިދާޅުވެއްޖެއެވެ.
އޭނާ މިހެން ވިދާޅުވީ ގދ އަތޮޅު ތައުލީމީ މަރުކަޒުގެ ޕްރައިމްއަރީ އިނގިރޭސި ޖަމްއިއްޔާ ފެންޓާސިއާ އަދި ދިވެހި ޖަމްއިއްޔާ އަދަބީ މަތިވަރުން ބޭއްވި އަދަބީ ޙަރަކާތްތަކުގެ އިނާމު ދިނުމުގެ ޖަލްސާގައި މިދިޔަ ބުރާސްފަތި ދުވަހުގެ ރޭ ވާހަކަ ދައްކަވަމުންނެވެ.
ޖަމްޝީދާ އަބްދުﷲ ވިދާޅުވީ ވާހަކަ ދައްކާ ބަހުރުވަޔާމެދު ފަރުވާ ކުޑަކުރުމުގެ ސަބަބުން ބަހުގެ ކުރިއެރުމަށް ބަދަލު އައިސް ފައިވާ ކަމަށާ އޭގެ އިތުރުން ސްކޫލްތަކުން ބާއްވާ އަދަބީ ހަރަކާތްތަކުގައި ބައިވެރިވާ ދަރިވަރުންގެ އަދަދުވެސް މަދުވަމުން ދާކަން ފާހަގަ ކޮށްލެވޭ ކަމަށެވެ.
ޖަމްޝީދާ އިތުރަށް ވިދާޅުވީ ބަހުގެ އަދަބިއްޔާތަށް ލިބޭ ހީނަރުކަމަށް ސްކޫލް ދަރިވަރުންގެ ބެލެނެވެރިންގެ ދައުރު އިތުރުކުރަން ޖެހިފައިވާ ކަމަށެވެ.
No comments:
Post a Comment