ހުވަދޫ އަތޮޅަކީ އެއްގޮތަކަށްވުރެ ގިނަ ގޮތުން އެކަށީގެންވާ ތަރައްޤީއެއް ލިބިފައިވާ ތަނެކެވެ. ރާއްޖޭގެ ތަހުޒީބާ ކުރިއެރުމުގެ ވާހަކަ ބުނެވޭ ހިނދު މިއަތޮޅުވެސް ޝޯޓްލިސްޓް ކުރެވޭނެ ކަމީ ހަޤީގަތެކެވެ. ނަމަވެސް މިއަތޮޅުގެ ތަރައްޤީއާ ކުރިއެރުންފާހަގަ ވަނީ ވަކި ރަށްތަކެއްގައި ކަމީވެސް ފާހަގަ ކޮށްލަންޖެހޭ ކަމެކެވެ. ގއ. ވިލިނގިލީ، ކޮލަމާފުށި އަދި ގދ ގެ ވެރިކަން ކުރާ ރަށް ތިނަދޫ އެވެ. ނިމިގެން ދިޔަ ސަރުކާރާ މިހާރުގެ ސަރުކާރުގެ ލޯވެސް ފުރަތަމަ އަމާޒުވީ އިސްވެ ދެންނެވި ރަށްތަކަށެވެ. ސިޔާސީ ގޮތުން އާބާދީއަށް އިސްކަންދިނުމީ ރަގަޅު ބުއްދިއެއެ ކަމަށް ދެކިގެން ކަމަށްވެސް ވެދާނެއެވެ.
ކުރީގެ ސަރުކާރު ނިމިގެން ދިޔައިރުވެސް މަންޒަރުބަލަންތިބި އެތައްރަށްތަކެއް މިހުވަދުއަތޮޅުގައި އެބައޮތެވެ. ބަނދަރު ނެތިގެން ، ގޯތި އިމާރާތް ކުރާނެ ބިމެއްނެތިގެން، ފަޅެއްނެތިގެން ޝަކުވާކުރަމުން ދިޔަ އެތައް ރަށެއް އެބައޮތެވެ. ވަޒީފާގެ ފުރުސަތު ނެތުމާ، ތައުލީމީ ފެންވަރު ދަށްކަމުގެ ޝަކުވާ ނޫސްވެރިންނާ ހަމަޔަށް ފުނުވި އެތައް ރައްޔިތުންނެއް ދިރިއުޅޭ ރަށްތަކެއްވެސް މިހުވަދު އަތޮޅުގައި އެބައޮތެވެ. ނަމަވެސް އާސަރުކާރު ބަދަލުވެގެން 2އަހަރަށް ކުޑަތަންވެފައިވާއިރު އެއްކަލަ ރަށްތަކުގެ ޝަކުވާ އޮތީ ހަމަ އޮތް ގޮތަށެވެ. މަޑަވެލީގެ ފަޅު ހިކިގެންގޮސް ބޭނުން ނުކުރެވޭ ވަރުވެފައިވާތާ އެތައް އަހަރެއް ވެފައިވަނިކޮށް އިހަކަށް ދުވަހު ސަރުކާރުން އެފެއްޓީ ތިނަދޫގެ ބަނދަރު އިތުރަށް ތަރައްޤީ ކުރުމުގެ ބޮޑު މަޝްރޫއެވެ. ބައެއް ރަށްރަށުން ގޯތި ނުލިބިގެން ރަށު އޮފީހުގައި ސަލާމް ޖަހަމުން ދަނިކޮށް ކުރީގެ ސަރުކާރުން ތިނަދޫ ބިން ބޮޑުކޮށް އެތައް ސަތޭކަ ގޯތި ދީފައިވަނިކޮށް އާސަރުކާރުން ގއ. ކޮލަމާފުއްޓާ ތިނަދޫގައި ހައުސިންގ ޔުނިޓް އަޅުއްވަން ފެއްޓެވީއެވެ. މިފަދަ ކިތަންމެ ކަމެކެވެ.
ހުވަދު އަތޮޅުގެ ބައެއް ރަށްރަށުގެ މީހުން ހުވަދޫ ނޫހަށް ދިފައިވާ ކުރު ބަސްދީގަތުން ތަކުގައި ޖުމްލަކޮށް ބުނެފައިވާ އެއް ވާހަކައަކީ ހުވަދު އަތޮޅުގެ އާބާދީ ބޮޑެތި އަދި ސަރުކާރުން ސަމާލުކަން ބޮޑަށްދޭ ރައްތައް ތަރައްޤީ ކުރުމަކީ މުހިންމު ކަމެއްކަމަށާ، ނަމަވެސް އެރައްތަކުގެ ވިޔަފާރިވެރިންނާ ސަރުކާރު އެރައްތަކުގައި ބީރައްޓެހިންނަށް ޚާއްސަ ކަންތަކެއްވެސް އަދި ތަންތަންވެސް ހެދުމީ މުހިންމު ކަމެއް ކަމަށެވެ.
No comments:
Post a Comment